Nú fer barnastarf Árbæjarkirkju brátt í sumarfrí. Sunnudagaskólanum, STN- og TTT-starfinu lýkur með safnaðarferðinni. Að þessu sinni verður farið í sveitaferð að Bjarteyjarsandi, sunnudaginn 20. maí og stefnir í metþátttöku. TTT-starfinu í Ártúnshverfi lauk á skemmtilegan hátt því að í vikunni fóru krakkarnir í heimsókn í Dominos og fengu krakkarnir að gera sinar eigin pizzur. 

Foreldramorgnar og unglingastarfið Sakúl eru þó ekki enn komið í sumarfrí því þessir hópar hittast fram til 1. júní.  

Uppstigningadagur 17. maí 2012
Dagur aldraðra í Árbæjarkirkju

Fimmtudaginn 17. maí. Uppstigningadag er eins og endranær hátíðarstund í Árbæjarkirkju.

Dagurinn hefst með Hátíðarguðsþjónustu kl.14.00 (ath.breyttan messutíma) - Prestar kirkjunnar sr. Þór Hauksson og sr. Jón Helgi Þórarinsson þjóna fyrir altari. sr. Hjörtur Pálsson prédikar. Kirkjukórinn leiðir almennan safnaðarsöng undir stjórn Krisztinar Kalló Szklenár organista og kórstjóra.

Hálftíma fyrir guðsþjónustuna leikur stórsveitin “Öðlingar” létt lög.

Eftir guðsþjónustuna býður kirkjugesta margrómað hátíðarkaffi í boði Soroptimistakvenna í safnaðarheimili kirkjunnar. Gunnar Már Jóhannsson og Einar Örn Finnson syngja nokkur lög.

Handavinnusýning Opna hússins starfs eldri borgara í söfnuðinum.

Fjölskylduguðsþjónusta 13. maí

Vorhátíð Árbæjarsafnaðar

Sunnudaginn13. maí verður vorhátíð sunnudagaskólans. Hátíðin hefst kl.11.00 en þá verður slegið upp fjölskylduguðsþjónustu.  Barnakórinn syngur nokkur lög.  Stjórnandi Margrét Sigurðardóttir. Eftir guðsþjónustuna verður boðið upp á grillaðar pylsur og meðlæti.