Fermingarfræðslan í Árbæjarkirkju byggist upp á tveimur námskeiðum á haustin, annaðhvort ágústnámskeiði eða septembernámskeiði sem fermingarbörnin sækja en svo sameinast þau í fjölbreyttum fræðslusamverum yfir veturinn  ásamt því að koma reglulega í guðsþjónustur. Fermingarfræðarar eru: Sr. Þór Hauksson sóknarprestur, sr. Petrína Mjöll Jóhannesdóttir prestur, Ingunn Björk Jónsdóttir djákni og Gabríel Einarsson, Sóley Adda Egilsdóttir og Jakob Viðar Sævarsson leiðtogar.

Fermingardagar vorsins 2021

Laugardagurinn 20. mars 2021 kl. 13:30
Sunnudagurinn 21. mars 2021 kl. 10:30
Sunnudagurinn 21. mars 2021 kl. 13:30
Pálmasunnudagur 28. mars 2021 kl. 10:30
Pálmasunnudagur 28. mars 2021 kl. 13:30
Skírdagur 1. april 2021 kl. 10:30
Skírdagur 1. april 2021 kl. 13:30

Skráning: Skrá þarf barnið í gegnum skráningarkerfið hér á heimasíðunni. Ef eitthvað kemur upp á og breyta þarf skráningu þá vinsamlegast sendið póst á: ingunn(hjá)arbaejarkirkja.is

Upplýsingar: Við notum tölvupóst í samskiptum við foreldra og því mikilvægt að netföng séu rétt skráð. Vinsamlegast látið vita ef þið fáið ekki tölvupóst frá okkur. Stofnaður hefur verið lokaður hópur á facebook til að miðla upplýsingum til foreldra fermingarbarna og eru foreldrar beðnir að óska eftir aðgangi. Slóðin er: hér 

Kennslubókin heitir Con Diosu á Laugavegi 31.og þurfa fermingarbörnin að kaupa hana. Hún fæst í bókabúðum og í Kirkjuhúsinu í Katrínartúni 4. Upplýsingar um heimalestur er að finna undir síðunni: Heimalestur og utanbókarlærdómur. Kirkjulykilinn fá börnin afhentan í kirkjunni og Gídeonmenn færa öllum fermingarbörnunum Nýja testamentið að gjöf.

Messur og þátttaka í helgihaldi: Ætlast er til að fermingarbörnin mæti ekki sjaldnar en 10 sinnum í almenna guðsþjónustu (eða 8 sinnum í messu og 2 sinnum í Æskulýðsfélagið Sakúl) Þau skrá messusóknina í Kirkjulykilinn og fá stimpil í hana. Æskilegt er að foreldrar fylgi börnum sínum í guðsþjónusturnar.

Sakúl: Æskulýðsfélagið Sakúl er fyrir unglinga í 8-10 bekk í Norðlingaholti og Árbæ. Þar er fjölbreytt og spennandi dagskrá yfir veturinn sem unglingarnir taka sjálfir þátt í að móta. Fundir eru á fimmtudagskvöldum kl. 20:15-21:45. Mögulegt er að fá 2 stimpla í Kirkjulykilinn fyrir þátttöku í Sakúl. Börnin þurfa sérstaklega að skrá sig í Sakúl ef þau vilja taka þátt í því.

Ritningarvers: Fermingarbörnin velja sér sjálf í vetur ritningarvers sem þau læra utan að og fara með í fermingarathöfninni. Velja má hvaða vers sem er úr Biblíunni en á hér á heimasíðunni undir dálknum: Ritningarvers er að finna nokkrar tillögur.

Ferð í Vatnaskóg: Farin verður dagsferð í Vatnaskóg sem er hluti af fermingarfræðslunni 11. nóvember og 18. nóvember. Nánari upplýsingar um dagskrá, verð og ferðatilhögun verða sendar í tölvupósti þegar nær dregur. Ath. Foreldrar verða sjálfir að óska eftir leyfi úr skóla fyrir börnin sín.

Fermingarfræðslugjald: Gjald fyrir fermingarfræðslu er ákvarðað af þjónustugjaldaskrá ríkisins og er 19.146 krónur.

 

DAGSKRÁ  FERMINGARFRÆÐSLUNNAR 2020- 2021

17. – 20 ágúst:  kl. 9:00-13:00. Fermingarnámskeið

17. -19 september: Fermingarnámskeið. Fimmtudaginn 17. september kl. 16:00-20:30. Föstudaginn 18. september kl. 15:00-21:00. Laugardaginn 19. september kl. 9:00-14:00

20.september: Guðsþjónusta  og foreldrafundur kl. 11:00 með þátttöku fermingarbarnanna.

4. nóvember: Fermingarbarnasöfnun Hjálparstarfs kirkjunnar kl. 17:00-19:00

11. nóvember: Dagsferðalag í Vatnaskóg kl. 08:00-21:00. Fyrri hópur

18. nóvember: Dagsferðalag í Vatnaskóg kl. 08:00-21:00. Síðari hópur

2021

9. janúar og 16. janúar: Sjálfstyrkingarnámskeið (Hópaskipting auglýst síðar) Hópur 1 kl. 09:00-12:00. Hópur 2 kl. 12:30-15:30.

6. febrúar: Fermingarbarnamót með Guðríðarkirkju og Grafarvogskirkju í Grafarvogskirkju.

3. mars og 10. mars: Könnun og kyrtlamátun (Hópaskipting auglýst síðar) Hópur 1: kl. 15:00. Hópur 2: kl. 15:30. Hópur 3: kl. 16:00

14. mars: Foreldrafundur eftir guðsþjónustu sem hefst kl. 11:00. Farið verður í praktíska hluti varðandi undirbúning fermingarinnar

16 og 18 mars:  Fermingaræfingar fyrir fermingar laugardaginn 20. mars. Þau sem fermast þá mæta kl. 16:00 báða dagana

16 og 18. mars: Fermingaræfingar fyrir fermingar sunnudaginn 21. mars. Þau sem fermast fyrir hádegi mæta kl. 16:30 og eftir hádegi kl. 17:00

23 og 25 mars: Fermingaræfingar fyrir Pálmasunnudaginn 28. mars. Þau sem fermast  fyrir hádegi mæta kl. 16:00 og eftir hádegi kl 16:30

30 og 30 mars: Fermingaræfingar fyrir Skírdag, 1. april. Þau sem fermast fyrir hádegi mæta kl. 12:00 og eftir hádegi kl. kl. 12:30

-Ath: Skyldumæting er á báðar fermingaræfingarnar-

 

FERMINGAR HAUSTSINS 2020 SEM FRESTUÐUST VEGNA COVID 19

Uppfærð fermingardagskrá 2020:

17 ágúst Foreldrafundur fyrir fermingarbörn ágústmánaðar kl. 18.

18. ágúst og 20. ágúst: Fermingaræfingar fyrir fermingu laugardaginn 22. ágúst kl. 16:o0

18. ágúst og 20. ágústFermingaræfingar fyrir fermingar sunnudaginn 23. ágúst. Þau sem fermast fyrir hádegi mæta 16:30 en eftir hádegi mæta kl:17:00

25.ágúst og 27. ágúst : Fermingaræfingar fyrir fermingar sunnudaginn 30. ágúst. Þau sem fermast fyrir hádegi mæta kl: 16:00 en eftir hádegi mæta kl: 16:30

 

Nýjir fermingardagar ársins 2020 eru:

22. ágúst  laugardagur kl. 13:30

23 ágúst sunnudagur kl. 10:30

23. ágúst sunnudagur kl. 13:30

30. ágúst sunnudagur kl. 10:30

30.ágúst sunnudagur kl. 13:30