Það er ekki áætlað tólf sporastarf á þessari önn en við bendum á heimasíðu Vina í bata http://viniribata.is þar sem hægt er að finna upplýsingar um hvar eru fundir. 

Tólf spora vinna hentar öllum sem í einlægni vilja vinna með tilfinningar sínar í þeim tilgangi að öðlast betri líðan og meiri lífsfyllingu með því að leita styrks í kristinni trú. Ekki er gengið út frá að fólk eigi við nein skilgreind vandamál að stríða, fíkn eða slíkt, heldur er um að ræða tækifæri til sjálfsskoðunar og almenna uppbyggingu til að geta betur tekist á við áskoranir lífsins.

Á vikulegum fundum er farið skipulega í gegnum sporin og unnið í litlum, lokuðum hópum út frá bókinni: Tólf sporin-Andlegt ferðalag. Þátttakendur lesa efnið heima, svara spurningum sem ákveðið hefur verði fyrir hvern fund og koma svo og deila niðurstöðum sínum með hópnum.

Starfið er þátttakendum að kostnaðarlausu, en nauðsynlegt er að kaupa vinnubókina. Hún er til sölu á kynningarfundunum en fæst líka í bókabúðum og í Kirkjuhúsinu.

Nánari upplýsingar um starfið gefur sr. Petrína Mjöll Jóhannesdóttir netfang: petrina@arbaejarkirkja.is

Vinir í Bata er hópur kvenna og karla sem hafa tileinkað sér 12 sporin – Andlegt ferðalag. Hægt er að kynna sér samtökin á heimasíðu þeirra: www.viniribata.is